لية جامعة عين شمس سحبت الدكاترة بتوعها

ياشباب الموضوع باختصار ان المعهد عامل مشاكل مع جامعة عين شمس الى تابع ليها المعهد

والمشكلة فى ان عين شمس طلبت من ادارة المعهد انها تسيب الفترة الصباحية لطلاب جامعة عين شمس

وطلاب المعهد هايدرسو فى الفترة المسائية بعد الظهر

والى سمعتة ان الارض الى مقيم عليها المعهد هى اصلا بتاع عين شمس والمعهد مستاجرها لمدة 190 سنة

ولما كمال ابو الخير موافقشى على طلب جامعة عين شمس اخدت الدكاترة الى اساسا تابعين لعين شمس

وبكدة فى دكاترة كتير راحو من المعهد ومن ضمنه دكاترة المحاسبة للفرقة التالتة

يارترى الخبر دة اكيد ولا كلام فى الهوا

الى عندة اى معلومات يقولنا والموضوع مفتوح

الخبر اللى انت قولتة دة صحيح علا بس الدكاترة ماكنوش جايين علشان يخلوا الفترة الصباحية لبتوع عين شمس ولاحاجة
دولت كانوا جايين يقدموا لكمال ابو الخير عرض من اتنين يايدفع تمن ايجارة للمعهد طول السنين اللى فاتت وقدروة ب 200 مليون جنية

يا يستردوا الارض بتاعت المعهد
وكمال حمدى ابوالخير رد عليهم وقالهم انا مأجر الارض من المحافظة وانتم مالكوش عندى حاجة
ومن ضمن الدكاترة اللى بعتتهم عين شمس اظن على ماافتكر الراجل اللى كان ماسك عميد عندنا السنة اللى فاتت

عموما دا كلة مش مهم المهم دلوقتى ان الامتحانات منعرفش مين اللى حاتطها ولا مين اللى هيعلم الورق بتاعها كمان
والمصيبة الكبيرة بقى انهم وقفوا المعادلة بتاعت المعهد يعنى من الاخر شهادة المعهد مابقاش ليها لازمة
لو عاوزين تتاكدوا من كلامى ممكن تخشوا على موقع التنسيق بتاع الثانوية العامة بتاع الحكومة ودوروا على الورقة اللى فيها بيانات المعهد اللى كانت عندنا فى كتاب دليل الطالب فى ورق التنسيق ايام الثانوى
هتلاقوا فى الاخر فى البند بتاع المعادلة
جارى تعديل قرار المعادلة
وكانوا الاول كاتبين انها اتوقفت خالص ولايوجد لة معادلة وغيروها بعد ما المعهد دفع فلوس للوزارة

اى استفسار تانى انا موجود يا ماااااااااااااااو
ومعلش على قلة حضورى لانشغالى بموقعى للمعهد برضة

شكرا يا ok1313 وربنا معاك ومعانا

والمصيبة الكبيرة بقى انهم وقفوا المعادلة بتاعت المعهد يعنى من الاخر شهادة المعهد مابقاش ليها لازمة
لو
عاوزين تتاكدوا من كلامى ممكن تخشوا على موقع التنسيق بتاع الثانوية
العامة بتاع الحكومة ودوروا على الورقة اللى فيها بيانات المعهد اللى كانت
عندنا فى كتاب دليل الطالب فى ورق التنسيق ايام الثانوى
هتلاقوا فى الاخر فى البند بتاع المعادلة
جارى تعديل قرار المعادلة
وكانوا الاول كاتبين انها اتوقفت خالص ولايوجد لة معادلة وغيروها بعد ما المعهد دفع فلوس للوزارة تقصد أيه بالجزء ده

المعهد العالى للدراسات التعاونية والادارية من اجمل و احسن اماكن الدراسة لاتقولى عين شمس و لا عين قمر ولا يهم اعترافهم بشهادة المعهد او عدم اعترافهم لان من اساسيات المعهد تخريج اجيال من الشباب الواعى المثقف المعتمد على نفسة يا اخى الفاضل المعهد .معهد ادارة فمن كان لة شرف الدراسة والتخرج منه اصبح يملك اسلوب حياة لاعلاقة له باعتراف احد بشهادة المعهد فى ظل عدم التعيين فى الجهاز الادارى للدولة والاهم ان القطاع الخاص لالالايهتم بموضوع الاعتراف بمعادلة الشهادة من عدمه فان اهتمامه يكون فى مدى قدرة المتقدم لشغل الوظيفة

الاخ محمد الصراف
ردك على الموضوع غريب انت كان ناقص تكتب
إنما الاعمال بالنيات

فهمنى ازاى مش مهم الاعتراف بالشهادة يعنى الواحد يقعد 4 سنين فى مكان ويفضل معاه ثانوى يعنى كأنة مدخلش تعليم عالى خالص
اية لزومة بقى دخول المعهد من الاساس كدة
بجد كلامك غريب لو انت بتتكلم على الراحة النفسية وان المعهد زى مابتقول مكان جامد واحلى من عين شمس و عين الحمام وعين حلوان وكدة

ممكن الواحد يطلع جمصة اسبوع اسهلة كدة من انة يقعد 4 سنين فى المعهد

شكرا على ردك على الموضوع مع ان ردك غريب

شكرا يا محمد على المرور

وشكرا يا اوك على التعليق

يا جماعه سواء في مشاكل او مفيش انت هتعمل اللي عليك وبعدين ربنا هو اللي هيديك نصيبك يعني لو ليك نصيب تبقي حاجه كبيره هتبقي غصب عن عين الطخين لكن في الاخر كل شيئ اسمه ونصيب وربنا معانا ومعاكوا

كل شئ نصيب

شكرا يا مختلف ع المرور

ايا جماعه معظم الكلام اللي بتقله غلط في غلط
بس هو في كلام منه صح
وياريت ما حد يقول كلام كتيررررر
انا مصطفي من المعهد معاكوا

طيب يامصطفى لو الكلام الى انت شايفة قول علية انة غلط وقولنا الصح

لو انت متاكد

الموضوع يا جماعة ان كمال ابو الخير علية ايجار الارض لجامعة عين شمي 120مليون جنية هما قول لما قالو اهم هايسحبوا الدكاترة راح دفع 60مليون بس وبعدن جم تانى ونقلوا باب الخزنة برة من جوة المعهد وكانوا هايستلموا المعهد قانونى وهو كان هايبقى مالوش غير المكتب بتاعة بس هو النفورة بس ادولة مهلة علشان يدفع الفلوس وهو وافق . والله اعلم انا ياسر (ossee)

شكرا ياياسر

وربنال يسطر علينا

انا بيتهيالى ان الكلام دة كلة غير صحيح يعنى اية الواحد يفضل يدرس 4 سنين فى المعهد وبعد كدة يتقالة ان شهادتك تبلها وتشرب ميتها دى استحالة طبعا ولو كدة بجد دا يبقى اسمة تهريج

طب اية رأيكو فى اناس اللى اتخرجت اساسا ومش لقية شغل قالو لازم كمبيوتر على تلاقى فرص الشغل بسرعة اخدنا كورسات رجعو تانى يقولو مش هينفع تشتغل غير بكورسات الانجليزى والله العظيم دى حرام الواحد يخلص وفى الاخر مفيش شغل واللة دا حر ام
بجد انا خايفة بعد ما اخد كورسات كمبيوتر يقولو مفيش شغل بقت كل حاجة بالوسطة شكلها كدة بجد حسبنا الله ونعمة الوكيل

هو انتى ياهبة شايفة انك ممكن تشتغلى فى الزمن الى احنا فية دة

عاوزة تشتغلى شوفى شركة لحد قريبك ولو مافيش شوفى واسطة ولو مافيش قطعى شهادة التخرج بتاع المعهد

بجد انا مش عارف احنا بنتعلم ونتعب فى المذاكرة لية علشان نشتغل بالشهادة ولا نقعد فى بيوتنا

مش عارف اقولك حل يريحك ياهبة لان مفيش حل الا الى قولتة فى الاول

انا جيت متاخر ع الموضوع ده بس بجد انتوا صدمتوني ده انا كل يوم بحلم بيوم التخرج وانتوا تقولوا ده مش معترف بشهادته ازاي بس.........حسبي الله ونعم الوكيل

الحقيقه من واجب الدوله حما ية ابنأها وبناءأ عليه يتم تقييم المعاهد الخاصه
وان تعلن ان كان معترف به ام لا
و ان تمنع ما هو غير معترف به
بدلا من ضياع سنوات
والحقيقه ان العلاقه بين المعهد وجامعة عين شمس ليست علاقة تابعيه وانما مجرد بيزنس
والعهد يتبع وزارة التعليم العالي
وليس عين شمس
والدراسات العليا لها قصه اخري

محاضرات الفرقة الثانية الترم الاول javascript:emoticonp('

')

» أدعية جامعة
» نتيجة جامعة حلوان 2008\2009 دور يناير
» المراة وماتحتاجه من حنان الرجلالمرأة رقيقة المشاعر ومرهفة الاحساس جامعة الحب والحنان تمر بلحظات ضعف