farisel7ob
عنوان الاقامة : الفرقة : عدد المشاركات : 238 العمر : 35 البلد : مـــ ــصــ ــر تاريخ التسجيل : 15/10/2007
| موضوع: انواع الاصدقاء فى الزمن اللى احنا فيه الخميس نوفمبر 29, 2007 1:02 am | |
| الحاجه المميزه للجامعه أنها مرحله بتحتل جزه كبير من حياتك بره و جوه وغالبا أصحابك فى الجامعه هما اصحابك بره وجوه طبعا رحلات و جروبات و تظبيط ( لو كنت فى كليه هلس ) أو شيتات و سكاشن و ميد ترم ريبورتات مضروبه ( لو كنت فى كليه محترمه ) و المشكله اللى بتواجهنا هى تصنيف الناس اللى حواليك لازم تتصدم كذا مره لغايه أما تعرف تمام الناس اللى معاك و تعملهم تصنيف مناسب ده طبعا بعد ماتكون أكتسبت خبره كويسه. الهدف الأساسى من الموضوع ده هو تبادل وجهات النظر فى أنماط الشباب اللى فى الجامعه كل واحد بيتكلم من منظوره و بدون زعل فقد تكون احد هذه النماذج فالعيوم ككشافات السياه يراها الجميع سواك.
أول هذه النماذج بيبقى ( الأول ) فى كل حاجه حتى فى الدراسه بيبقى الأول على الدفعه ده بقى معرفته مكسب و يخليك عارف كل حاجه هاتحصل امتى و أزاى و هوه أول واحد بيعرف أن المحاضره ملغيه علشان الدكتور مراته بتولد و ده الوحيد اللى لو قعدت جنبه فى المحاضره و أتكلمت الدمتور مش هايطردك وده تعرفه بس لكن ماتدخلش معاه فى شغل مشترك علشان مايسوحكش خصوصا لو كان ليدر للجروب و الكلام ده عن تجربه.
التانى هو ( اللتات ) رغاى زى الحريم و بيخلق حوارات من الهوا و ليه ( كريم لما جه ماسلمش على ممدوح ) و ( حسن و تفيده مابقوش بيقعدوا معانا شكله جه طلع بمصلحته و فرط ) و ده حله أنك تسمع من هنا و تفوت من هنا و نصيحه أخويه ليك نجد و الله أى موضوع أنت لست أحد أطرافه أشترى دماغه و ماتتكلمش أنشاللا يولعوا و الناس الخبره عارفه مدى صحه كلامى.
التالت و العياذ بالله ( اللتيح ) و اللتيح كلمه عربيه تعنى ( عبده الراشق ) أى مصلحه ليه فيها لو فتحت باب عربيتك تلاقيه بيفتح الباب التانى ولو قعدت تفضفض مع واحد صاحبك تلاقيه قاطع ودنه و راميها فى حجركو ولو لقى معاك سندوتش لازم يشارك و لو عرف أن معاك حاجه من أياها يقولك ( طب مفيش حاجه علينا ولا أيه ) والحل مع هذه النوعيه تكرفه تماما مش قصدى أنك ماتعرفوش لكن وهو بيركب فى الحوار أقطمه مره على مره هايعرف أنك قليل الذوق و بتجيب من الأخر هايعرف تمامه معاك و بتقى كده يا مان فرضت عليه أسلوب المعامله علشان ترتاح.
الرابع هو ( اللزج ) شاب ظريف أوى و بيدى أفيهات زى العسل و ليه اسلوب فى الأستظراف يخليك تدعى عليه بالجلد أو الصلب أو الشد على الخازوق (مع ان العقوبات دى اتلغت من ايام العهد العثمانى ) و تبقى الكارثه لو حد وقع فى الغلطه الشنيعه و ضحك على كلامه هاتلاقيه أستمر و مفيش وسيله تسكته غير القنبله الهيدروجينيه.
الخامس هو ( البراشوط ) و اكيد هاتعرفه لو وقفت مع حته طريه و لقيته جه يمارس عليك فرقه مظلات وصاعقه و بيركب أى حوار علشان يفتح كلام مع الناس اللى معاك على أساس أنك قرطاس لب محترم و ده لو ماديتلوش وش خشب محترم هايخدك أستلامه فى الرايحه و الجايه أما فى حاله لو حاولت تقلبه و لقيته ظبطك و طلعك شاب فانله يبقى العيب منك يا بطل و تمشى فى خالك أحسن لك لغايه ما ربنا يعدى اليومين اللى فاضلينلك على خير.
السادس هو ( البقيق ) و ده ماتخافش منه لان زى ما جدى قاللى اللى بيقول مابيعملش.
السابع هو ( المهيس ) ضارب الدنيا طناش و أيكش تولع و مقضيها نوم بالنهار وعربده بالليل و النوع ده غالبا عيال جدعان بس أعمل حسابك أنك لو اتلميت عليهم هاتتطول فى التعليم حبتين.
النوع الثامن ( عبده الكرف ) و هى الشباب اللى بتسمع محمد منير و بتصطبح فى جميع الاوقات الزمنيه و دول حسب مودك لو ليك فى السكه دى خليك معاهم و ساعه الحظ ماتتعوضش.
النوع التاسع ( سوسن ) بتلاقيه ماشى وسط جروب حريم و شايل لهم الشنط على كتفه وتحس انه طرى حبتين ده بقى ايدك منه و الأرض علشان هو بيكتسب مع الوقت صفات مش لطيفه.
النوع العاشر لو لقيته أمسك فيه بأيدك و سنانك و هو الصديق الجدع اللى يشدك للخير و يقف جنبك و يساعدك و ده غالبا أختفى منذ عصر الديناصورات و لكن مع ملاحظه أن كل النماذج السابقه ما قلتش على أى حد فيهم أن المفروض الواحد يبعد عنه تماما لأنه مجتمعنا و لازم نعيشه و نتعامل مع ده و ده و لكن مع بعض الأحتياطات و كل واحد فيه عيب بيبقى فيه الف حاجه كويسه...... و يجعله عامر
منقــــــــــــــــــــــــــول
| |
|